Disa mafiozë u bashkuan për të sjellë tonelata droge në zonën e Ferrarës. Hipoteza e një aleance mes mafieve shqiptare, nigeriane, kalabreze dhe pulieze është vërtetuar. E gjitha erdhi si rezultat i disa provave hetimore të zbuluara nga kriminologu i njohur Vincenzo Musacchio.
Musacchio, i cili sot është një nga studiuesit më të akredituar të mafias, e konsiderohet eksperti më i madh i mafies shqiptare, flet për një “pakt strategjik” që synon të transportojë tonelata drogë nga Shqipëria në Itali dhe më pas më gjerë në Europë. Në Ferrara, klanet e ndryshme nigeriane, shqiptare, kalabreze dhe pulieze kanë krijuar një sistem të vetëmjaftueshëm të prodhimit, trafikut dhe shitjeve të lëndëve narkotike.
“Droga – rritet në Shqipëri, mbërrin në Pulia dhe më pas klasifikohet në zona të ndryshme të Italisë. Në qytetin e familjes Este nuk ka vetëm drogë.”. Në Itali, ka infiltrime mafioze në administratën publike, aq sa “sot nuk ka asnjë sektor që mund të konsiderohet i papërfshirë me krimin, duke përmendur edhe fusha si: ndërtimi, transporti, turizmi, hoteleria, prokurimet publike dhe subvencionet,”-shpjegon kriminologu.
Panorama “e vizatuar” nga Musacchio është dëshpëruese.
“Besoj se përveç aktiviteteve represive të dukshme dhe të nevojshme, është e nevojshme të shkundet ndërgjegjja e qytetarëve duke i bërë ata të kuptojnë dëmin e shkaktuar në territor nga infiltrimet e mafias. Fatkeqësisht, ka ende nga ata që sot thonë se mafia nuk ekziston. Qytetarët duke mos parë më mafien klasike, të dhunshme, e perceptojnë fenomenin mafioz, në dukje të heshtur dhe të padukshëm, si të largët por tani dhuna është zëvendësuar nga korrupsioni”.
