RUSI- Të paktën katër persona u vranë të martën në një shpërthim gazi që shpërtheu në një ndërtesë pesëkatëshe në qytetin Yefremov në jug të Moskës. Lajmin e kanë raportuar shërbimet ruse të urgjencës.
“Deri tani janë shpëtuar pesë persona dhe sipas informacioneve paraprake dy të tjerë mbeten nën rrënoja. Fatkeqësisht katër persona kanë humbur jetën”, thanë shërbimet e urgjencës.
Shpërthimet e gazit janë relativisht të zakonshme në Rusi për shkak të infrastrukturës së vjetër dhe rregulloreve të dobëta të sigurisë që rrethojnë përdorimin e gazit.
