TURQI- Presidenti turk Rexhep Tajip Erdogan i tha ambasadorit amerikan në Ankara, i cili më parë ishte takuar me kandidatin e bashkuar të opozitës Kemal Kiliçdaroglu në zgjedhjet e 14 majit, se dyert e Presidencës ishin të mbyllura. Kılıçdaroğlu, u takua me ambasadorin amerikan Jeffrey Flake me kërkesë të ambasadorit amerikan.
“Ambasadori i Joe Biden po viziton Kemalin. Turp te kesh, mendo me mendje. Ju jeni ambasadori. Bashkëbiseduesi juaj është presidenti këtu. Me çfarë fytyre do të ngriheni dhe do të kërkoni takim me presidentin? Dyert tona janë të mbyllura për të, ai nuk mund të hyjë më. Pse? Le ta dijë se ku e ka vendin,” tha Erdogan.
Po ashtu Erdogan iu drejtua dhe Biden duke i thënë t’i mësojë vendin ambasadorit.
“Thuaji se si duhet të punojë ambasadori. Nëse ai nuk e di këtë, nuk mund të hyjë nga kjo derë”, tha Erdogan.
Zgjedhjet presidenciale dhe parlamentare në Turqi do të mbahen më 14 maj. Kemal Kılıçdaroğlu, kandidati i vetëm i opozitës “Aleanca Popullore”, është rivali kryesor i presidentit aktual Tajip Erdogan, i cili është kandidati i vetëm i “Aleancës Republikane”. Në zgjedhje po marrin pjesë edhe kreu i partisë Memleket, Muharrem İnce dhe kandidati i aleancës Ata, Sinan Ogan. Rezultatet e hulumtimit parazgjedhor nuk zbulojnë ende favoritin mes Erdoganit dhe Kılıçdaroğlu në zgjedhjet e ardhshme, por ekspertët theksojnë se procesi aktual zgjedhor do të jetë më i vështiri për partinë në pushtet për shkak të tërmeteve shkatërrues që kushtojnë jetë njerëzish.
