GREQI- Një 39-vjeçar shqiptar në Greqi ka humbur jetën në spital, 7 ditë pasi u rrëzua nga një skelë teksa punonte.
Ngjarja ndodhi në zonën e Koumbe, Rethymno, ku 39-vjeçari, baba i 2 fëmijëve mbeti i plagosur rëndë pasi ra nga një skelë rreth tetë metra e lartë.
Fillimisht ai u transferua në spitalin e Rethymno-s, por u gjykua e nevojshme transferimi i tij në Repartin e Mjekimit Intensiv të Spitalit të Chanias, ku humbi jetën pas një jave.
