Përballja e vlefshme për javën e 13-të të kampionatit gjerman të futbollit, Bundesliga, Bayern Munich-Union Berlin, e planifikuar për t’u luajtur këtë të shtunë në orën 15:30 është shtyrë.
Shkak i kësaj shtyrjeje është bërë bora e shumtë që ka rënë në Mynih, të paktë kështu u tha në njoftimin e bërë nga skuadra e Union Berlin, në profilin e tyre zyrtar, në “Instagram”.
“Për shkak të rreziqeve të sigurisë, është vendosur që të mos luhet ndeshja”,- thuhet në postimin e klubit gjerman dhe tashmë pritet vetëm të konfirmohet data e re se kur do të zhvillohet sfida mes klubeve të Bundesliga-s.
