ANGLI – Përshtypjet i “vodhi” kartoni i kuq i rrumbullakët në ndeshjen e djeshme mes Brentfordit dhe Wolves në raundin e tretë të FA Cup. Në minutën e 8-të të ndeshjes, arbitri përjashtoi Joao Gomes për një ndërhyrje shumë të ashpër ndaj Norgaard, me brazilianin që u gjend përballë një… kartoni të kuq rrethor në vend të kartonit të kuq klasik.
Imazhi i “kartonit të kuq i rrumbullakët” bëri shumë bujë, pasi është një rast i rrallë, por jo i padëgjuar. Gjyqtari i ndeshjes, Tony Harrington nxorri një rreth të kuq nga xhepi dhe vendosi në këtë mënyrë ta dërgonte futbollistin e Wolves në dhomën e zhveshjes. Megjithatë, ka arsye që arbitri anglez zgjodhi këtë format të veçantë të kartonit.
Cili është roli i “kartonit të kuq të rrumbullakët”
Sipas forumit të gjyqtarit në Angli, arsyet e përdorimit të një kartoni të tillë janë të dyfishta. Përdorimi i saj ka të bëjë me verbërinë e ngjyrave që mund të kenë disa futbollistë. Siç theksohet në forum, duke përdorur rrethin, futbollistët lehtësohen dhe nuk ngatërrohen nga ngjyra e kartonit, natyrisht duke qenë të informuar para ndeshjes për formën e çdo kartoni.
Përtej kësaj, përdorimi i një kartoni rrethor mund të ketë të bëjë edhe me shpejtësinë që gjyqtari dëshiron t’i japë lojës. Arbitri nuk ka nevojë të humbasë këto 2-3 sekonda për të kontrolluar ngjyrën e kartonit, duke kuptuar ngjyrën e saj përmes formës, teksa fut dorën në xhep. Sekonda që mund të rezultojnë shumë të rëndësishme për zhvillimin e një ndeshjeje, sipas arbitrave të të njëjtit forum.
Vlen të theksohet se kjo nuk ishte hera e parë që një gjyqtar përdorte këtë formë të veçantë kartoni, pasi e njëjta gjë kishte ndodhur vitin e kaluar në një ndeshje midis Wrexham dhe Sheffield United, gjithashtu në një ndeshje të Kupës FA, ndërsa një rrethore të kuqe e kishte marrë në të kaluarën dhe Alan Shearer.
