SHBA- Senatori amerikan Chris Coons dhe kancelari gjerman Olaf Scholz u takuan në Uashington DC të enjten. Më pas, ata bënë një selfie së bashku dhe e postuan në internet duke bërë të njëjtën pyetje.
“Kush është kush?”, bën shaka Sen Coons.
Flokët të tyre thuajse identike të thinjura dhe buzëqeshjet po aq identike, në shikim të parë ishte e vështirë të dallohej. Scholz, udhëheqësi i qeverisë së koalicionit të tre partive të Gjermanisë që erdhi në pushtet në vitin 2021, zakonisht nuk njihet për sensin e tij të humorit. Por politikani veteran i krahut të majtë kësaj here nuk mundi të mbante seriozitetin.
“Sa mirë të shoh përsëri binjakun tim,” shkroi kancelari Scholz në X, në një ri-postim të imazhit.
Të dy jo vetëm që ndajnë të njëjtën moshë relative 60 dhe 65 vjeç ose të njëjtën gjatësi relative rreth 1.7 m por ata gjithashtu ndajnë një dashuri për politikën dhe një ndjenjë urgjence për të dërguar më shumë ndihmë ushtarake në Ukrainë. Scholz mbërriti në Uashington DC për një takim të planifikuar me Presidentin Joe Biden të premten për të inkurajuar mbështetjen për Ukrainën dhe për të theksuar rrezikun për dështimin e dërgimit të ndihmës shtesë. Ai u takua me Sen Coons dhe ligjvënës të tjerë të enjten për t’u dërguar atyre të njëjtin mesazh. Vizita e Scholz vjen ndërsa ligjvënësit në Kongres po përpiqen të kuptojnë se si të kalojnë ndihma shtesë për Ukrainën dhe Izraelin në mes të kundërshtimeve të mëdha nga republikanët.
