Elbasan– Kryetari i Partisë Demokratike – Demokratët Euroatlantikë, Lulzim Basha, ka mbledhur Këshillin Kombëtar dhe aleatët politikë për të prezantuar një pjesë të kandidatëve për deputetë që do të garojnë në zgjedhjet parlamentare të 11 majit.
Në këtë takim, zoti Basha prezantoi edhe listën e kandidatëve për qarkun Elbasan, ku përfshihen emra me përvojë në politikë dhe administratë publike, si dhe figura të reja. Sipas tij, kjo përzgjedhje synon të përfaqësojë më mirë interesat e qytetarëve dhe të ofrojë një alternativë të fortë për zgjedhësit në këtë qark.
Lista e kandidatëve të PD-DE për qarkun Elbasan përfshin:
• Blerim Kuqja
• Bujar Vreto
• Endri Hasa
• Naim Meta
• Mirela Karabina
• Migena Kapllani
• Emin Cani
Gjatë fjalës së tij, zoti Basha theksoi rëndësinë e zgjedhjeve të ardhshme dhe nevojën për një përfaqësim dinjitoz në Kuvend. Ai u shpreh se kandidatët e PD-DE janë njerëz me integritet dhe vizion, të gatshëm për të sjellë ndryshime pozitive në vend.
Zgjedhjet parlamentare të 11 majit pritet të jenë një test i rëndësishëm për forcat politike në vend, ndërsa PD-DE synon të rrisë mbështetjen dhe të konsolidohet si një forcë e rëndësishme opozitare.
