Elbasan, 17 prill 2025 – Në ambientet e Hotel Scampa në Elbasan, u zhvillua Forumi Publik i radhës i organizuar nga Rrjeti “Përballja e Ofertave Politike – POP”, në bashkëpunim me organizatën partnere “Tjetër Vizion”. Ky aktivitet synoi nxitjen e debatit demokratik dhe përfshirjen qytetare në prag të zgjedhjeve parlamentare të 11 majit.
Të pranishëm në këtë forum ishin kandidatët për deputetë të qarkut Elbasan, përkatësisht:
-
Znj. Klodjana Capja – Koalicioni Partia Demokratike – Aleanca për Shqipërinë Madhështore
-
Z. Mivan Peci – Partia Lëvizja Bashkë
-
Znj. Migena Shyti Kapllani – Koalicioni Euroatlantik
-
Znj. Sara Zekaj – Partia Mundësia
-
Z. Erjon Murataj – Partia Social Demokrate
Gjatë diskutimeve, kandidatët prezantuan prioritetet e tyre për zhvillimin e rajonit dhe iu përgjigjën pyetjeve direkte të qytetarëve, të cilat prekën tema të ndjeshme si:
-
Zhvillimi ekonomik dhe krijimi i vendeve të punës
-
Siguria mjedisore dhe mbrojtja e natyrës
-
Arsimi dhe fuqizimi i të rinjve
-
Transparenca dhe lufta kundër korrupsionit
-
Siguria publike dhe rendi
Forumi u transmetua drejtpërdrejt dhe mbetet i aksesueshëm online për qytetarët që duan të ndjekin diskutimet. 👉 Shiko Forumin Publik Elbasan këtu
Pjesëmarrësit e vlerësuan formatin si një hap të rëndësishëm drejt një demokracie pjesëmarrëse, ku qytetarët informohen, krahasojnë dhe vendosin me vetëdije për të ardhmen e tyre.
Përkundër ftesës së hapur drejtuar të gjitha forcave politike, mungesa e Partisë Socialiste dhe subjektit “Shqipëria Bëhet” u vlerësua si një humbje për vetë procesin e debatit publik. Organizatorët e cilësuan pjesëmarrjen e plotë si një shenjë respekti ndaj qytetarëve dhe thelbësore për ndërtimin e një kulture demokratike të mirëfilltë.
Forumet e ardhshme publike të Rrjetit POP:
-
Shkodër – 18 prill 2025, ora 16:30, Golden Palace Hotel
-
Tiranë – 22 prill 2025, ora 11:00, Rogner Hotel
-
Korçë – 22 prill 2025, ora 17:00, Hotel Park Plazza
-
Durrës – 28 prill 2025, ora 17:00, Teatri “A. Moisiu”
-
Vlorë – 28 prill 2025, ora 17:30, Pallati i Kulturës
Këto aktivitete zhvillohen në kuadër të projektit “Rrjeti POP për Qeverisje të Mirë dhe Integritet”, me mbështetjen e Olof Palmes International Center dhe Qeverisë Suedeze.
📧 [email protected]
📞 +355 69 61 20 169
🌐 www.popnetwork.al
Zgjidh me mendje, jo me zakon – krahaso ofertat politike!
Zgjedhjet janë më 11 maj – voto me dije, jo me dyshim!
Këtu mund të ndiqni të plotë forumin
