Komentatorja politike amerikane, ish-mbështetëse e Donald Trump, Candace Owens pretendon se çifti francez Emmanuel dhe Brigitte Macron kanë paguar për ta vrarë atë. Candace, që është në gjyq me Brigitte Macron, pas akuzave publike se zonja e parë franceze është biologjikisht mashkull, thotë se këtë informacion e ka marrë nga një diplomat francez.
Deklarata e Owens:
Dy ditë më parë, një punonjës i lartë i Qeverisë Franceze më kontaktoi. Pasi përcaktova pozicionin dhe afërsinë e këtij personi me çiftin francez, e konsiderova informacionin që më dhanë mjaftueshëm të besueshëm për ta ndarë publikisht në rast se ndodh diçka.
Shkurt, ky person pretendon se familja Macron ka ekzekutuar dhe paguar për vrasjen time. Po, e lexuat saktë. Më konkretisht, se drita jeshile iu dha një ekipi të vogël në Grupin Kombëtar të Ndërhyrjes së Xhandarisë. Më thanë se ka një izraelit që është në këtë skuadër vrasjesh dhe planet u formalizuan.
Përsëri, ky person dha prova konkrete se është i pozicionuar mirë brenda aparatit qeveritar francez.
Për më tej, ky person pretendon se vrasësi i Charlie Kirk është trajnuar me brigadën e 13-të të legjionit francez me përfshirje shumështetërore.
Jeta e gazetarit Xavier Poussard është gjithashtu në rrezik. Kjo është shumë serioze. Kreu i shtetit të Francës me sa duket na dëshiron të dyve të vdekur dhe ka autorizuar njësi profesionale për ta kryer këtë.
I kërkoj çdo personi ta RETWEET dhe ta ndajë këtë.
Nuk e di se kujt në qeverinë amerikane mund t’i besohet, pasi ky burim pohon se udhëheqësit tanë janë në dijeni. Por unë kam informacione më specifike që janë përfundimisht të verifikueshme, nëse ata duan të më kontaktojnë.
Për zyrtarin e guximshëm në Francë që e bëri këtë sepse u prek aq shumë nga e keqja e ekzekutimit publik të Charlie-t saqë rrezikoi jetën e tyre – Zoti ju bekoftë. Vërtet.
Le të zbulohet gjithçka.
