Qeveria iraniane ka lëshuar një urdhër arresti për presidentin amerikan Donald Trump për vrasjen e komandantit të saj të lartë Qasem Soleimani në janar, njoftoi sot agjencia vendase Fars.
Teherani gjithashtu thuhet se po kërkon ndihmë nga Interpoli për të realziuar arrestin e presidentit amerikan Donald Trump.
Ali Alghasi-Mehr, prokurori i përgjithshëm i Teheranit, përmendi emrin e Trump dhe 35 personave të tjerë të akuzuar për vrasjen e Qasem Soleimani.
Mbi Trump dhe personat e tjerë rëndon “akuza për vrasje dhe terrorizëm”, dhe u raportua se iu kërkua Interpolit të lëshonte një “njoftim të kuq” për ta që është dhe njoftimi i nivelit më të lartë që Interpol mund t’i lëshojë një individi për të kryer arrestimin e tij.
Trump, megjithatë, nuk ka asnjë rrezik arrestimi dhe është e pamundur që Interpol të respektojë kërkesën e Iranit.
Soleimani ishte krahu i jashtëm i operacioneve të trupave paraushtarake elitare të Gardës Revolucionare Islamike.
Administrata Trump e etiketoi atë si një terrorist, dhe Uashingtoni e konsideroi atë përgjegjës për vdekjen e qindra trupave amerikane në Irak.
62-vjeçari Soleimani u vra në një sulm me dronë të drejtuar nga Trump në fillim të janarit.
Administrata Trump deri më tani nuk i është përgjigjur akuzës së Iranit.
Burimi: cbsnews/joq