Autoritetet algjeriane kanë arrestuar 22 të dyshuar që besohet se kanë shkaktuar dhjetëra zjarre vdekjeprurëse në veri të vendit, në të cilat të paktën 65 persona kanë vdekur ndërsa ushtarët dhe zjarrfikësit janë në luftë me flakët.
Presidenti Abdelmadjid Tebboune njoftoi arrestimet të enjten gjatë një fjalimi televiziv, duke thënë se “drejtësia do të kryejë detyrën e saj” pasi rreth 50 zjarre të ndara shpërthyen njëkohësisht në fillim të kësaj jave, shumica pranë Tizi Ouzou në lindje të kryeqytetit alergjian.
“Disa zjarre janë shkaktuar nga temperaturat e larta, por duart e krimit ishin pas shumicës së tyre”, tha presidenti. “Ne kemi arrestuar 22 të dyshuar, përfshirë 11 në Tizi Ouzou.”
Në mesin e 65 të vrarëve që nga e hëna janë të paktën 28 ushtarë algjerianë, të cilët u vendosën së bashku me zjarrfikësit për të kontrolluar ferrin, sipas Reuters. Gjashtë helikopterë ushtarakë janë gjithashtu në përdorim, të mbështetur nga dy avionë zjarrfikës të dhënë me qira nga Bashkimi Evropian. Tebboune tha se avionë shtesë do të dërgoheshin nga Spanja dhe Zvicra në ditët në vijim.
Gati 1.000 punonjës të mbrojtjes civile janë mobilizuar për përpjekjet e shuarjes së zjarrit, njoftoi stacioni televiziv Algjerian Ennahar, duke vënë në dukje gjithashtu se 12 ushtarë të tjerë mbeten në gjendje kritike pasi iu përgjigjën zjarreve.
Ndërsa presidenti tha se qeveria “mobilizoi të gjitha mjetet e ushtrisë, mbrojtjen civile dhe shërbimet e pyjeve”, ai u ankua se këto masa kanë qenë “të pamjaftueshme duke pasur parasysh shumë zjarret”.
