Mëngjesin e sotëm rreth orës 10:00 në zonën e Pashalimanit në Orikum është gjetur pa shenja jete në mes të rrugës një 60-vjeçar. Trupi i viktimës është identifikuar si Konstandin Kume, ndërkohë që grupi hetimor nuk ka konstatuar shenja dhune në trupin e tij.
Bëhet me dije se Kume është një bari i zonës. Grupi hetimor ndodhet në vendngjarje dhe po punon për sqarimin e rrethanave të ngjarjes.
Njoftimi i plotë: Vlorë/ Informacion paraprak
Sot rreth orës 10:00, në “Pashaliman”, Orikum, në rrugë, është gjetur pa shenja jete, një shtetas i seksit mashkull rreth 60 vjeç, ende i paidentifikuar, i cili nga të dhënat e para dyshohet se ka ndërruar jetë për shkaqe natyrale.
Nga kqyrja paraprake e trupit të tij, nuk janë konstatuar shenja dhune apo dëmtime të tjera.
Grupi hetimor ndodhet në vendngjarje dhe po punon për sqarimin e rrethanave të ngjarjes.
