Gjykata e Tiranës ka rrëzuar vendimin e prokurorisë për të sekuestruar regjistrat e regjistrimit të nxënësve dhe studentëve të shkollat e kompanisë “Turgut Ozal”.
Prokuroria i kishte sekuestruar regjistrat për të provuar që numri i nxënësve ishte i njëjtë me ato të deklaruar. Por gjykata e ka konsideruar vendimin të padrejtë dhe regjistrat i janë kthyer kolegjit.
Gjykata e ka konsideruar shkelje këtë veprim, ashtu siç kishin paralajmëruar avokatët duke kërkuar heqjen e sekuestros mbi regjistrat, të vendosur disa muaj më parë.
Prokuroria ka nisur një hetim ndaj kolegjeve turke disa muaj më parë, veprim i cili është konsideruar gjerësisht si një veprim me prapavijë të fortë politike dhe i ndikuar nga fuqi të huaja.
Deri më tani, prokuroria nuk ka arritur të vërtetojë akuzën për pastrim parash ndaj këtyre shkollave.
