Kryeministri Edi Rama nuk do të jetë më deputet i Qarkut të Vlorës. Kryesocialisti ka zgjedhur që në Kuvendin e ri të përfaqësojë qytetarët e Durrësit.
Rama ka njoftuar Komisionin Qendror të Zgjedhjeve për këtë vendim të tij, duke i hapur vendin në Vlorë kandidates Teuta Rama.
Prej vitit 2013-të, Edi Rama përfaqësoi në parlament qytetarët e Vlorës.
Kryeministri Edi Rama thotë se marrja prej tij e mandatit të deputetit në Durrës nuk do të ndikojë aspak në raportin e veçantë që ka me Vlorën.
Rama thotë se Durrësin e zgjodhi pasi është vendi ku mandati i tretë duhet të sjellë një hop të ri në atë qytet dhe gjithë Shqipërinë.
“Vlora ishte, është dhe do jetë deri në fund në zemrën time, kështu që me mandat pa mandat, unë nga Vlora nuk ndahem as sot as mot, ndërkohë në mendjen time Durrësi është vendi ku Mandati i Tretë duhet të sjellë një hop të ri, jo vetëm për atë qytet po për krejt”, shkruan Rama.
Rama ka njoftuar Komisionin Qendror të Zgjedhjeve për vendimin për të përfaqësues Durrësin, duke i hapur vendin në Vlorë kandidates Teuta Rama.
