Një zjarr masiv ka përfshirë kodrat e fshatit Zhulaj në njësinë administrative Krahës në Memaliaj.
Mësohet se zjarri është aktivizuar prej disa orësh dhe po vijon të përhapet vrullshëm si pasojë e erës së fortë dhe zonës së pyllëzuar.
Në terren forcat zjarrfikëse dhe punonjës të Bashkisë së Memaliajt po punojnë për shuarjen e flakëve.
Megjithatë ndërhyrja me mjete për vënien në kontroll të situatës është vështirësuar si pasojë e terrenit të pyllëzuar dhe malor.
