Boksieri shqiptar, Florian Marku triumfoi dje ndaj kundërshtarit të tij ukrainas, Maxim Prodan, duke u shpallur kampion bote pas plot 10 raundesh.
Gjithsesi, duhet thënë se asnjëri nga boksierët nuk u dorëzua deri në fund, ndaj vendimi u morët nga gjyqtarët, që i dhanë fitoren boksierit tonë, Florian Marku.
Njëri nga gjyqtarët e vlerësoi Prodanin si më të mirë me rezultat 99-91, ndërsa dy tjerët ishin pro Markut me 97-93 dhe 96-94.
Kjo ishte ndeshja e 10 në karrierë për Markun, ku edhe u shpall kampion në IBF.
“Me vetëm 10 ndeshje e arrita atë që s’e ka bërë askush. Jam i ri dhe të gjithë më kanë nënvlerësuar”, ishin fjalët e Markut pasi u bë kampion.
Karriera e Markut
“Mbreti shqiptar”, me të vërtetë ka pasur mbështetjen e shqiptarëve nga fillimi i karrierës, ku në 10 ndeshje, ka marr 9 fitore dhe 1 barazim.
Karriera e Markut është përpara, pasi ai është i ri, vetëm 28 vjeçar. Tashmë ai pritet të vijojë të jetë protagonist i skenave botërore të boksit.
AND THE NEW 🔝
Florian Marku wins the IBF International Welterweight Title 🇦🇱 pic.twitter.com/tCM2w4Qg8x
— DAZN Boxing (@DAZNBoxing) September 25, 2021
