– Elon Musk bëri një prezantim virtual të mërkurën me djalin e tij X AE A-Xii , 18 muajsh. Mediat e huaja shkruajnë se kjo ishte një paraqitje e rrallë publike ku shfaqej para kamerave me djalin të ulur në prehrin e tij.
Musk ndau një përditësim për anijen kozmike ‘Starship’, por ishte foshnja X që vodhi vëmendjen me personalitetin e tij karizmatik.
“Përshëndetje!”-tha X ndërsa tundte krahët e tij të vegjël në ajër. Pasi kuptoi se ai ishte ylli i thirrjes së Zoom, sytë e foshnjës u zgjeruan dhe një vështrim habie i kaloi në fytyrë, pak para se dikush të hynte në dhomë dhe ta largonte.
“Epo, foshnjat thjesht pinë qumësht, e dini? Unë nuk mund të bëj shumë tani. Nëna e X aktualisht luan një rol shumë më të madh se unë. Kur fëmija të rritet, do të ketë më shumë punë për mua,” -shtoi ai.
Musk dhe këngëtarja kanadeze, Grimes, 33 vjeç, mirëpritën fëmijën e tyre të parë në maj 2020.
