– Ka nisur sot fushata për regjistrimin e adresave të banimit për të gjithë qytetarët në vend. Ministri i Brendshëm, Bledi Çuçi ishte ai që prezantoi nismën për regjistrimin e vendbanimeve, duke u shprehur se sjell përfitime dhe akses në shërbimet publike për të gjithë qytetarët.
Ndërsa tregoi hap pas hapi të gjithë procedurën e regjistrimit, duke bërë me dije se vetëdeklarimi mund të bëhet në “eAlbania” ose në zyrat e Gjendjes Civile pranë bashkive ku banoni.
“Regjistri Kombëtar i Adresave do të jetë burimi i vetëm i saktë dhe i përditësuar për të gjithë shtetasit, institucionet publike dhe bizneset,”-tha ai ndër të tjera në fjalën e tij.
