– 15-vjeçari që qëlloi me armë mesnatën e të shtunës është kapur nga policia. Në njoftimin e policisë bëhet me dije se i mituri me inicialet C. K., ka qëlluar nga një mjet të cilin e drejtonte pa lejen përkatëse, me një armë zhurmuese (sportive).
E shtëna u dëgjua nga të gjithë banorët e lagjes në fjalë të cilët u shqetësuan, por në fakt bëhej fjalë vetëm për një plumb manovër. Gëzhoja është sekuestruar që mbrëmjen e 27 nëntorit. Sot, 15-vjeçari është proceduar.
Njoftimi i policisë:
Specialistët për Hetimin e Krimeve në Komisariatin e Policisë Nr. 2 proceduan penalisht shtetasin e mitur me iniciale C. K., 15 vjeç, pasi me datë 27.11.2021, në vendin e quajtur “Fusha e Aviacionit”, ky shtetas ka qëlluar nga një mjet të cilin e drejtonte pa lejen përkatëse, me një armë zhurmuese (sportive).
