U zhvillua ditën e sotme në Fakultetin e Shkencave Mjekësore Teknike dhurimi i gjakut nga Kryqi i Kuq. Vullnetarë për të dhuruar gjak ditën e sotme ishin studentët e infermierisë. Një pjesë e madhe e tyre u treguan të gatshëm për të ndihmuar fëmijët me talasemi dhe sëmundje të tjera të gjakut. Në prag festash dhurata më e bukur për ta nuk janë lodrat dhe as veshjet. E vetmja gjë që mund ti rikthej atyre buzëqeshjan janë rezervat me gjak. Ashtu si në cdo seancë dhurimi koordinatori i kryqit të kuq, Ened Llapushi i bën thirrje të gjithëve për të kryer këtë akt sublim. Ndërkohë që thekson faktin se ka ndërgjegjësim nga të rinjtë, por jo vetëm.
Për sa i përket rezervave të gjakut mjeku transfuziolog, Endrit Susaj shprehet se mungesa e gjakut do të jetë gjithmonë një problem. Ndërkohë që ata të cilët e kanë bërë vaksinat anti-covid dhe duan të dhurojnë gjak duhet të ndjekin një procedurë të caktuar.
Akte të tilla sublime vazhdojnë të jenë prezente në shumë institucione.
