Lulzim Basha në konferencën e sotme për gazetarët bëri deklaratën e fortë duke thënë se Rama e Meta si pjesë e ‘trekëndëshit të Bermudës’ kanë radhën pas shpalljes non grata të Berishës.
Këtë paralajmërim Basha e bëri pasi u pyet nëse po konkurron me Berishën, duke shtuar se Meta-Rama-Berisha mbajnë njëri-tjetrin dhe se ai nuk ka vend në këtë trekëndësh.
Basha: Jam i detyruar të mbroj PD që nuk do askënd dhe asgjë para vetes së tij dhe pa diskutim 100% e energjive të mia janë kundër Edi Ramës. Ka mbi 3 muaj që Rama bredh i qetë bashkë me tubin e oksigjenit.
Nuk jam më 17 vjeç i kam thënë Berishës, jam 47 vjeç dhe baba i dy fëmijëve, ti nuk je bajlozi dhe unë nuk të vij nga mbrapa.
A do kandidoni përballë Berishës?
Basha: Unë po kandidoj me sukses te trekëndëshi, shumë shpejt do të hiqen dhe brinjët e tjera të trekëndëshit. E mbani mend billboard-et e mëdhaja me këta të tre, sepse këta e mbajnë njëri-tjetrin.
Konkurrencën e kanë me njëri-tjetrin, Berisha ua ka kaluar se u shpall para non grata. Sa më shpejt ta heqim qafe këtë trekëndësh aq më mirë. Nuk kam konkurrencë me të vetëm te trekëndëshi po.
Kur sheh mbrapa cdo gjë të duket e zezë, edhe unë kam përgjegjësitë e mia. Kam lejuar kaq gjatë dualizëm, protagonizmi i Berishws prej ditës së parë.
Këtë e pomponte Edi Rama 8 vite me radhë.
