‘Play-off’-et për botërorin “Katar 2022” në mars janë ende shumë larg, mirëpo Krishtlindjet po afrojnë dhe trajneri i kombëtares ‘azzurre’ Roberto Mancini, gjen kohë për t’i vizituar dhe t’u dedikohet edhe atyre që vuajnë në Bolonja e tij.
“Fëmijët sigurisht që janë tifozë të skuadrave të ndryshme, shpresoj të sjell një moment lumturie për ta, në një situatë mjaft të vështirë”. Kështu u shpreh Mancini për vizitën e tij në departamentin e neuropsikiatrisë pediatrike të spitalit ‘Sant’Orsola’.
Trajneri i kombëtares së Italisë shoqërohej nga profesori Duccio Maria Cordelli, drejtor i departamentit dhe nga Alessandro Arcidiacono, president i shoqatës ‘Bimbo tu”. I pyetur për “play-off”-in për kualifikimin e kombëtares italiane në Botërorin 2022 në Katar, Mancini u përgjigj: “Nga tani dhe deri në mars ka ende kohë dhe shpresojmë të jemi në gjendje t’u bëjmë një dhuratë të gjithë italianëve dhe për fëmijët që vuajnë më shumë në këto momente”.
