Brimet për “InfowebTv” kanë zbardhur detaje të tjera në lidhje me shpërthimin e tritolit në Sauk. Mësohet se bëhet fjalë për një kallëp që peshonte rreth 30 gramë. Sasia e lëndës plasëse ishte vendosur në një shkurre, disa metra larg mjeteve të parkuara, duke e bërë më të vështirë zbulimin e personit që synonte.
Distanca e vendosur e tritolit tregohet dhe përmes dëmeve që janë shkaktuar në dy makinat që u ‘prekën’. Mjeteve u janë thyer xhamat e parmë, por nëse tritoli do të kishte qenë më afër tyre, dëmet do të kishin qenë akoma më të mëdha.
Persona të lënduar nuk ka pasur, duke qenë se makinat ishin lënë në parkim. Gjithsesi nuk dihet nëse lënda plasëse është vendosur në atë pozicion dhe është shpërthyer pikërisht në momentin kur nuk ka pasur asnjë person prezent me synimin për tu përcjellë një ‘mesazh’ pronarëve të tyre e jo për të lënë persona të lënduar apo edhe viktima.
