Nicolò Casale i Veronës zë vendin e parë në listën që Napoli po shqyrton për të identifikuar mbrojtësin e kërkuar nga Spalletti. Duhet një qendër për të integruar repartin pas largimit të Manolas, por edhe për të përballuar mungesën e Koulibaly, që do të vazhdojë në Kupën e Afrikës, pas një muaji pushim për shkak të dëmtimit.
Pista për hungarezin Szalai ishte e ndërlikuar për shkak të kërkesës së Fenerbahçes për rreth 11 milionë euro. Pra, Napoli po kërkon nëpër Itali për t’u pajisur me një mbrojtës me perspektivë për t’u rritur. Emri i Casales i ka kaluar ato të Mattia Vitisë nga Empoli dhe Federico Gatti nga Frosinone.
Në moshën 23-vjeçare, Nicolò Casale është në sezonin e tij të parë në Serinë A, duke u rikthyer te Verona pas huazimit te Empoli, ku ishte ndër protagonistët e ngjitjes në Serie A me 24 ndeshje dhe një gol. Në këtë kampionat, gjiganti (1.91 m i lartë) nga Negrar ka luajtur 18 ndeshje (14 si titullar), në rolin e tij si qendërmbrojtës (13 herë), por edhe duke u përshtatur në gjysmën e fushës dhe në krahun e majtë, sipas nevojës.
I rritur te Verona, ai më vonë u huazua mes Perugia, Prato, Sudtirol, Venecia dhe Empoli përpara se të kthehej në bazë, verën e kaluar. Në nëntor ai rinovoi kontratën me verdheblutë deri në vitin 2026. Çmimi i tij i ka kaluar 15 milionë.
Nga Verona, Napoli më parë ka tërhequr në vitin 2020 Amir Rrahmanin, i cili u dëshmua si strumbullar i mbrojtjes së Spallettit dhe në vazhdën e atij operacioni, nisi biseda me venecianët. Ka një hapje nga pjesa e përparme e verdhebluve, por së pari, do të duhet të gjendet një zëvendësues për Casale, që do të dorëzohet trajneri Tudor. Formula e operacionit duhet të jetë ajo e huazimit me të drejtë shlyerje në verë.
