Për të katërtën ditë, Kylian Mbappé, i dëmtuar që nga ndeshja e Brestit, të shtunën e kaluar (2-0), nuk mori pjesë në stërvitjen kolektive të PSG-së.
Edhe këtë të premte, ylli i skuadrës pariziene mungoi, duke e vënë akoma më tepër në dyshim pjesëmarrjen e tij në ndeshjen kundër Reims, të dielën në mbrëmje, në “Parc des Princes” (20:45).
Sipas deklaratës mjekësore të klubit, ai “vazhdon punën e tij individuale në kushte të mira” dhe “në fund të stërvitjes të së shtunës do të merret një vendim për praninë e tij në grup kundër Reims”.
Juan Bernat (pas Covid), Neymar (rifilloi javën tjetër), Georginio Wijnaldum (i dëmtuar) dhe Alexandre Letellier (i dëmtuar) po vazhdojnë përgatitjet e tyre në kujdesin e përshtatur për rastet e tyre përkatëse.
