Interi i Simone Inzaghit është i pafund (goli i Sanchez në 121′ me Juven, nga Ranocchia në 92′ me Empolin, nga Dzeko në ’90 me Venecia) dhe duke pritur për Milan-Juve sonte, merr arratinë në renditje.
Në vigjilje një pushimi, që vjen si dhuratë nga perëndia për zikaltrit, të cilët në rifillim pritet të kenë një “tour de force” të vërtetë, siç e ka përcaktuar vetë Inzaghi, pas ndeshjes me Venecian në “San Siro”.
“Një përforcim, duke pasur parasysh dëmtimin e Correas? Ne ramë dakord me klubin që do të takoheshim pas kësaj ndeshje, – tha Inzaghi pas fitores me Venecia.
Së shpejti do të kemi një takim për të vlerësuar gjithçka, do të jenë vlerësime të kujdesshme. Unë kam presidentin e klubit këtu dhe do të përpiqemi të bëjmë më të mirën e mundshme”.
Sulmuesi argjentinas duhet të qëndrojë larg futbollit për rreth një muaj, prandaj në mbledhjen që u zhvillua dje në Appiano Gentile, në prani të teknikut, mbi të gjitha u fol për një ndërhyrje sulmuese dhe emrin që do të bënte të gjithë. “La Gazzetta dello Sport” raporton se do të ishte ai i Felipe Caicedo, të cilin Inzaghi e njeh shumë mirë dhe Genoa mund të japi pa shumë probleme.
Ish-laciali do të konsiderohej si profili ideal për t’u integruar në skuadrën e zikaltërve, si për aftësinë e tij për të shënuar gola (dhe shpesh në minutat e fundit), ashtu edhe për shkak se nuk do të kishte shumë probleme, duke filluar nga pankina.
Një kontakt i parë me agjentin e tij kishte qenë tashmë aty, i cili është shprehur se Genoa do ta jepte edhe me formulën e huazimit. Kështu që duket se Inzaghi dhe Caicedo do të mund të përqafohen sërish pas golave, siç kanë bërë shumë herë në Romë.
Ndërkohë, sot trajneri i zikaltërve mund të ulet duarkryq dhe të shijojë një ndeshje Milan-Juventus, e cila, edhe në dritën e barazimit të Atalantës, mund të nënkuptojë një pjesë të mirë të rrugës drejt “scudettos” për të.
