“Stamford Bridge” mirëpret sërish Antonio Conten, duke i shkaktuar humbjen e tij të parë në kampionat. Në javën e 23-të, Chelsea mund Tottenham me shifrat 2-0 falë golave të Ziyech dhe Thiago Silvës. Pjesa e parë nuk ofroi emocione të mëdha, pasi të dyja skuadrat më shumë u kujdesën të mbroheshin.
Në minutën e 47′ Ziyech gjuan nga jashtë zone dhe topi merr një trajektore të çuditshme dhe përfundon në rrjetë. Tetë minuta më vonë ishte Thiago Silva që shënoi golin e dytë për Chelsean. Miqtë mundohen të reagojnë, por nuk rrezikojnë asnjëherë seriozisht portën e Kepa.
Chelsea rikthehet tek suksesi pas 4 javësh, ndërsa Antonio Conte pëson humbjen e parë në kampionat në krye të pankinës së Tottenhamit, pikërisht nga ish-skuadra e tij.
