Varianti i ri i Covid Omicron 2 ka arritur në Itali . ‘Motra’ e Omicron është raportuar tashmë në nëntë rajone, siç shpjegohet nga presidenti i Institutit të Lartë të Shëndetësisë, Silvio Brusaferro, por karakteristikat dhe simptomat nuk duhet të jenë aq të ndryshme nga lloji origjinal. Quotidiano shkruan se Liguria është sigurisht një nga rajonet e prekura, e cila ka raportuar dy raste në spitalin San Martino në Xhenova. Rastet e Omicron 2 janë raportuar gjithashtu në Campania , Emilia Romagna , Friuli Venezia Giulia , Lazio , Liguria , Lombardi , Piemonte , Siçili dhe Toskanë .
JuSugjerojmë
Shkatërrohen grupet kriminale shqiptare në Itali, sekuestrohen mbi 2 mln euro
Ultrasit e Interit bëjnë prapakthehu, vendosin të jenë në derbi: Na e kërkoi skuadra
Omicron dhe ‘variantet simotra’
Varianti mbizotërues i Sars-CoV-2, domethwnw Omicron në fakt përfshin shumë ‘variante motra’ (baza B.1.1.529 dhe BA.1, BA.2 dhe BA.3). Tani Omicron 2, BA.2, po bën rrugën e saj. Organizata Botërore e Shëndetësisë ka bwrw me dije se shumw vende kanw raportuar rritje tw rasteve me Covid.
“Një numër vendesh kanë raportuar rritje të kohëve të fundit në pjesën e sekuencave që i atribuohen BA.2″. Por për momentin Omicron BA.1 mbetet ai mbizotërues, me një prani brenda familjes Omicron prej 98,8% të sekuencave të paraqitura në platformën Gisaid që nga 25 janari 2022. Varianti Omicron BA.2 dallon nga mbizotëruesi një, B.1.1.529 , për disa mutacione në proteinën Spike me të cilën virusi bashkon qelizat,” thuhet në deklaratën e OBSH-s.
Nga vjen Omicron 2
Raportet e para të BA.2 ndodhën në mes të dhjetorit në Indi, ku varianti zuri pozitën dominuese. Omicron 2 u përhap më pas në Filipine, Singapor dhe Japoni. Është nga Afrika e Jugut që erdhi në Evropë (si mutacioni i parë, i quajtur edhe ‘varianti i Afrikës së Jugut’). Sekuencat e para të variantit BA.2 janë identifikuar në Evropën Veriore në vende të tilla si Danimarka, Britania e Madhe dhe Gjermania.
