Mason Greenwood është hequr nga loja virtuale FIFA 22 nga EA Sports në përditësimin e tyre më të fundit. Gjithçka lidhet me sulmin fizik dhe seksual ndaj partneres së tij, gjë që çoi në arrestimin e futbollistit të Manchester United. Lojtari është pezulluar përkohësisht.
Kushdo që ka një tastierë ose PC të lidhur me internetin dhe serverët EA do të vërejë se skuadra e përditësuar nuk përfshin më sulmuesin anglez. Nuk përfundon me kaq, Cristiano Ronaldo, David de Gea, Paul Pogba dhe Marcus Rashford nuk e ndjekin më në Instagram.
Nike dhe sponsorë të tjerë e kanë shkarkuar lojtarin, klubi ka ndaluar shitjen e marketingut të tij dhe disa tifozë janë paraqitur në dyqanet e klubit për të kërkuar ndryshimin e fanellës së tij, që nuk e duan më.
