Rruga për mjetet e tonazhit të rëndë në Kapshticë dhe Qafë Thanë është hapur pas bllokimit një ditë më parë për shkak të motit me reshje dëbore. Deri më tani raportohet se puna dhe qarkullimi në zonë vijojnë normalisht, duke nisur që nga pasditja. Ndërkohë që në Kapshticë, qarkullimi u hap disa orë më herët.
Bllokimi i kalimit të mjeteve të tonazhit të rëndë u bë më 1 shkurt për shkak të reshjeve të dendura të borës në Maqedoninë e Veriut si edhe në Greqi. Ndaj dhe qarkullimi i tyre u ndal për disa orë, për shkak se krijohej vështirësi dhe pengesa për borëpastrueset.
