Kancelari gjerman Olaf Scholz u zotua të dielën se “shumë shpejt udhëheqja ruse do të ndjejë se çfarë çmimi të lartë do të duhet të paguajë” për pushtimin e Ukrainës, pas njoftimin se Gjermania do të rrisë fondet ushtarake. Këto deklarata kancelari gjerman i bëri në Kuvend, ku i thirri deputetët në një seancë të jashtëzakonshme.
Presidenti rus Vladimir Putin “nuk do ta ndryshojë rrugën e tij brenda natës”, pranoi Scholz.
“Dje vendosëm që Gjermania të dorëzojë armë në Ukrainë për t’u mbrojtur. Agresioni i Putinit nënkuptonte se ne nuk mund të japim asnjë përgjigje tjetër”, shtoi ai.
Scholz zbuloi gjithashtu se ai do të rriste përqindjen e prodhimit ekonomik të Gjermanisë të shpenzuar për mbrojtjen në 2% dhe do të ndajë 100 miliardë euro (112 miliardë dollarë) për forcat e saj të armatosura, në mënyrë që të modernizojë dhe pajisë më mirë ushtrinë e vendit — një zgjerim i konsiderueshëm i Gjermanisë shpenzimet e mbrojtjes.
Scholz përmendi gjithashtu paketën e sanksioneve kundër Rusisë, të cilën ai tha se ishte e paprecedentë.
Sulmi rus ndaj Ukrainës është “i neveritshëm – ai shkel ligjin ndërkombëtar, ai nuk mund të justifikohet”, tha Scholz.
“Fotografitë e tmerrshme që shohim nga Kievi, në Mariupol, tregojnë se sa i paskrupullt është Vladimir Putin. Kjo është kaq e padrejtë, dhimbja e ukrainasve, është shumë afër zemrave tona”.
Scholz përmendi vendimin e BE-së për të hequr bankat ruse nga sistemi i pagesave ndërkombëtare SËIFT dhe tha se “bankat dhe kompanitë ruse do të ndërpriten nga financimi. Ne do të fokusohemi te oligarkët në BE. Ne kemi masa ndëshkuese kundër Putinit dhe njerëzve përreth tij”.
“Ne duhet të mbështesim Ukrainën në këtë situatë të dëshpëruar dhe këtë e kemi bërë gjatë javëve dhe muajve të fundit, sulmi ndaj Ukrainës do të thotë se jemi në një kohë të re. Si demokratë, si evropianë, ne jemi në anën tuaj, në anën e duhur të historisë”, tha Scholz.
Gjermania nxori Rusinë jashtë hapësirës së saj ajrore: Gjermania gjithashtu do të mbyllë hapësirën e saj ajrore për avionët rusë nga ora 15:00 me orën lokale (9aET) të dielën, sipas një deklarate nga Ministria Federale për Dixhitalizimin dhe Transportin.
Ministria shtoi se fluturimet e ndihmave humanitare janë përjashtuar nga ndalimi, i cili do të zgjasë fillimisht për tre muaj.
