Rusia do të përdorë “taktika edhe më të rënda” në Ukrainë dhe çdo krim lufte do të ndiqet penalisht, tha zëvendëskryeministri i Mbretërisë së Bashkuar.
Dominic Raab thotë se: “Përveç të gjitha masave që po marrim, ne po mbështesim gjithashtu përpjekjet për t’u siguruar që të ruhen provat e krimeve të luftës.”
Ai i tha BBC Breakfast se komuniteti ndërkombëtar nuk ishte i gatshëm të vendoste një zonë ndalim-fluturimi mbi Ukrainë, sepse kjo do të përfshinte një gatishmëri për të rrëzuar avionët rusë, e cila është “qartësisht shkallëzuese”.
Në vend të kësaj, Mbretëria e Bashkuar po i bënte të gjitha përpjekjet e saj në sanksione ekonomike që po vënë në vështirësi makinerinë ushtarake të Putinit. Ato po godasin gjithashtu oligarkët që kanë nevojë për akses në sistemin ndërkombëtar dhe që do të ushtrojnë presion ndaj Putinit, thotë ai.
I pyetur nëse vendet perëndimore duhet të shkojnë më tej për sa i përket furnizimit me naftë dhe gaz, Raab thotë: “Po, mendoj se ne do ta shikojmë këtë me shumë kujdes… Ndërsa ne marrim masa për të mposhtur makinerinë ruse të luftës, nuk ka asgjë të re nga tavolina”.
