Aktori, Florian Binaj reagon pas akuzave të Ramës se pas protestës fshiheshin persona të shpallur dhe të pashpallur non-grata. Me anë të një statusi në rrjetin social ‘instagram”, Binaj i është përgjigjur Ramës të cilit i ka thënë se po përpiqej me çdo mënyrë të përçajë protestuesit duke i cilësuar si “pakicë e zhurmshme” mbrapa të cilëve fshihet persona të shpallur dhe të pashpallur non-grata.
Binaj: Pasi iu rrit tensioni, pasi suli edhe patronazhistët dhe sufllaqexhinjtë me profile fallco duke vjellë vrer mbi këtë protestë qytetare dhe europiane sot u përpoq të na përçajë me arrogancë duke shpifur e duke thënë se ata nuk janë populli por janë një pakicë e zhurmshme që i bënkan “non gratat”. Po ku ke parë miting të “Non Gratave” t’u mbarojë benzina e gjeneratorit të mikrofonit të mes të protestës? Ke sy por je verbuar! Ke veshë por je shurdhuar! Ke tru por je… (E plotësoni vetë)
