Kryeministri grek, Kyriakos Mitsotakis ka zhvilluar ditën e sotme një bisedë telefonike me Volodymyr Zelenskyy. Tema kryesore e bisedës ishte mënyra e përballimit të efekteve negative të ditës së 19-të të pushtimit rus të vendit.
‘Protothema.gr’ raporton se Kryeministri e siguroi Zelenskyy për mbështetjen e plotë të qeverisë greke në Ukrainë, për dërgimin e ndihmave dhe pritjen e refugjatëve emigrantë dhe ukrainas. Gjithashtu u diskutua për situatën dramatike në zonat ku jeton komuniteti grek dhe nevoja për hapjen e një korridori humanitar për dalje të sigurt dhe akses në material humanitar.
Mitsotakis vuri në dukje se Bashkimi Evropian dërgoi një mesazh të rëndësishëm politik mbështetjeje nga Franca javën e kaluar për perspektivën evropiane të Ukrainës. Ai gjithashtu theksoi se zbatimi i plotë i sanksioneve nga të gjithë partnerët dhe aleatët do të ndihmojë në presionin ndaj palës ruse për të ndaluar sulmet.
