Shqipëria luan, shkoi pranë një mrekullie por nuk ia del të fitojë ndaj Spanjës. Një 90 minutësh që përfundoi me shifrat 2-1, por pavarësisht faktit se u mposht, kuqezinjtë zhvilluan një ndeshje brilante.
Ashtu si pritej, Spanja kontrolloi lojën, por kuqezinjtë u mbrojtën me forca të shumta dhe pjesa e parë përfundoi me shifrat 0-0. Në pjesën e dytë, Spanja e nisi sërish në sulm ku pati raste të mira dhe në minutën e 75′ do të kalonte në avantazh me anë të Ferran Torres.
Megjithatë 10 minuta më vonë, Shqipëria surprizoi Spanjën duke barazuar me Myrto Uzunin. Kur u duk se takimi do të shkonte në barazim, vetëm pak sekonda nga fundi i ndeshjes, Dani Olmo do të shënonte golin e fitores.
