Aktori Thomas Haden Church ka reaguar ashpër ndaj veprimit që bëri aktori Will Smith ndaj aktorit Chris Rock në Oscar të dielën.
Sipas TooFab, gjatë një interviste me prezantuesit Mark Goodman dhe Alan Light, aktori e quajti veprimin e Smith të pajustifikueshëm edhe pse Smith tha se e bëri nga dashuria për bashkëshorten.
“Unë mendoj se Will Smith duhet të përjashtohet nga Oscars për pjesën tjetër të jetës së tij. Unë mendoj se atij duhet t’i hiqet anëtarësimi i tij në Akademinë, por nuk mendoj se atij duhet t’i hiqet Oscari”-tha Church.
Church pranoi arritjet e Smith, duke e quajtur çmimin e tij Oscar një fitore legjitime.
“Ato janë reciprokisht ekskluzive, arritjet e tij në film dhe vetë filmi, nuk janë të lidhura me veprimet e tij,”-tha Church.
Gjatë ceremonisë së Oscars, Smith u ngrit nga vendi për të goditur në fytyrë Rockun, pasi ai bëri një shaka në kurriz të Pinkett Smith ndërsa prezantoi çmimin për dokumentarin më të mirë.
Pas grindjes, Akademia lëshoi një deklaratë në Twitter duke thënë se ata kanë filluar zyrtarisht një shqyrtim zyrtar rreth incidentit dhe do të shqyrtojnë veprimet dhe pasojat e mëtejshme në përputhje me aktet nënligjore, standardet e sjelljes dhe ligjin e Kalifornisë”.
Të hënën në mbrëmje, Will i kërkoi falje publike Rock-ut në faqen e tij në Instagram. Ai gjithashtu i kërkoi falje Akademisë dhe familjes Williams. Në fjalën e tij, Will tha se shpresonte se Akademia do ta ftonte përsëri pavarësisht incidentit. Rock nuk është përgjigjur fare publikisht, por ai zgjodhi të mos ngrinte akuza.
