Këshilli i ministrave gjatë mbledhjes së sotme, ka emëruar 5 anëtarët e Bordit Mbikëqyrës të Agjencisë për Mbështetjen e shoqërisë Civile.
Siç thuhet edhe në vendimin e këshillit të ministrave, anëtarët e këtij bordi do të jenë VasilikaHysi, Bashkim Muça, Laert Kola dhe Ylljet Aliçka.
Kujtojmë që Vasilika Hysi ka marrë postin e rëndësishëm, pasi nuk arriti të siguronte mandatin e deputetit në zgjehjet parlamentare të 25 Prillit. Hysi ka qenë kryetarja e Komisionit për Çështje Ligjore.
Vendimi
Në mbështetje të nenit 100 të Kushtetutës dhe të nenit 8, të ligjit nr.10093, datë 9.3.2009, “Për organizimin dhe funksionimin e Agjencisë për Mbështetjen e Shoqërisë Civile”, me propozimin e Kryeministrit, Këshilli i Ministrave
V E N D O S I:
Emërimin në detyrë të disa anëtarëve të bordit mbikëqyrës të Agjencisë për Mbështetjen e Shoqërisë Civile, përfaqësues nga organizatat e shoqërisë civile, si më poshtë vijon:
– Z. Bashkim Muça;
– Znj. Iris Luarasi;
– Z. Leart Kola;
– Z. Ylljet Aliçka;
– Znj. Vasilika Hysi.
Ky vendim hyn në fuqi menjëherë dhe botohet në “Fletoren zyrtare”.
