ANGLI – Everton ka qenë një nga zhgënjimet më të mëdha të Premier League këtë sezon. Pritej shumë më tepër nga ‘Toffees’, të cilët kanë një skuadër të përgatitur për të luftuar për Europën, por që mezi arriti të shpëtonte veten në ditën e parafundit të garës. Një fatkeqësi që mund të ketë pasoja në përbërje.
Më i rëndësishmi, largimi i mundshëm i yllit të saj, Richarlison, i cili është për nivele më të larta sesa të luftojë vetëm për të qëndruar në Premierligë. Sulmuesi brazilian me kombëtaren e tij, dëshiron të jetë në Botërorin e ardhshëm në Katar dhe, megjithëse tani ka besimin e Tite, disa muaj të këqij në ‘Goodison Park’ që edhe mund t’i kushtojnë atij vendin në ekipin kombëtar.
Këtu në skenë është ngjitur Real Madridi, një nga klubet më të mirë për të nënshkruar me të. Skuadra ‘los blancos’ ka nevojë për një sulmues me të ardhme, për të zëvendësuar Karim Benzema, ku kandidatura e Richarlison ka avantazhin që mund të luajë edhe në krah, siç ka bërë te Everton kur Dominic Calvert-Lewin ka qenë i mirë.
Kontrata e brazilianit te Everton përfundon në qershor 2024, kështu që çmimi i tij nuk do të ishte i lirë. Nisur nga profili i tij, ai do të pranonte të mos ishte gjithmonë titular te Real Madridi dhe të ishte për pak kohë nën hijen e Benzemas, duke pritur që francezi të largohej. Shifrat e tij të golave nuk janë skandal, ai shënoi 11 gola në 30 ndeshje. Kjo, në një ekip si Real Madrid, që gjeneron shumë më tepër se Evertoni, duhet të përmirësohet. Në fakt, janë të tjera të dhënat kur luan me kombëtaren, 35 ndeshje dhe 14 gola.
