Në ballinat e mediave angleze sot, e hënë 27 qershor 2022, flitet për merkaton e transferimeve dhe në veçanti për lëvizjet e Manchester United, me Cristiano Ronaldon, i cili iu ofrua Chelsea, çka i tërboi “Djajtë e Kuq”, por jo vetëm.
Edhe opsioni amerikan është shfaqur për portugezin, me Inter Miami të David Beckham që mund të bëhet shtëpia e re e CR7. Megjithatë, për momentin Ronaldo nuk po bindet.
Këto janë orë vendimtare për të ardhmen e Cristiano Ronaldos, i dalë nga një sezon jo edhe aq emocionues në radhët e Manchester United. Nuk mungojnë kërkuesit për kampionin portugez.
Orët e fundit, Chelsea është skuadra që ka dalë më me vendosmëri, por duhet të llogaritet edhe Sporting Lisbona, klub në të cilin CR7 është rritur në futboll.
Gjithsesi, orët e fundit ka mbërritur edhe mohimi i drejtorit sportiv Hugo Viana: “Tani nuk mendoj, nuk e di, ai mund të vendosë se ku do të shkojë. Ronaldo ka ende një vit në kontratën e tij aktuale. Pra, se çfarë do të bëjë, të presim e ta shohim”.
Sugjerimi më i madh, megjithatë, është ai që e çon te Roma, pavarësisht se e kaluara mes Ronaldos dhe José Mourinhos në kohën e Real Madridit nuk ishte tamam e paharrueshme.
Agjenti Jorge Mendes padyshim mund ta lehtësojë këtë operacion i cili për momentin duket qartësisht i komplikuar për shkak të pagës monstruoze të perceptuar nga lojtari.
Së fundi, mbani një sy nga Bayern Munich, i cili ndryshe nga verdhekuqtë do t’i lejonte CR7 të luante përsëri në Ligën e Kampionëve, gjë që nuk e siguroi me Manchester United në sezonin e fundit.
