Presidenti ukrainas Volodymyr Zelensky ka mbajtur fjalimin e tij gjatë mesnatës, duke u fokusuar në lajmet nga ishulli i gjarpërinjve.
Më herët të enjten, u njoftua se trupat ruse ishin tërhequr nga ishulli me rëndësi strategjike.
“Pa dyshim, fjala kryesore sot është “Zmiyinyy” (në gjuhën ukrainase “gjarpër”). Ndoshta, po aq shumë u fol për Zmiyinyy vetëm ditën kur anija ruse mbërriti atje.
Pastaj anija u largua, përgjithmonë dhe tani ishulli është përsëri i lirë. Ishulli Zmiyinyy është një pikë strategjike dhe ndryshon ndjeshëm situatën në Detin e Zi.
Nuk garanton siguri, nuk garanton se armiku nuk do të kthehet. Por tashmë i kufizon ndjeshëm veprimet e pushtuesve.
Hap pas hapi do t’i shtyjmë nga deti, toka, qielli ynë”, u shpreh Zelensky.
Ai gjithashtu dha një përditësim mbi situatën në rajonin e Donbasit, ku Rusia ka përqendruar sulmet në javët e fundit.
“Situata në Donbas mbetet më e vështira dhe jashtëzakonisht e vështirë. Epërsia e zjarrit e pushtuesve ndihet ende shumë.
Ata kanë marrë tashmë gjithçka nga rezervat e tyre për të na goditur në rajonet e Luhansk dhe Donetsk”, deklaroi presidenti ukrainas.
