SHBA- Kompania Uber është paditur në SHBA nga 550 gra që dyshohet se janë sulmuar nga shoferët në platformën e udhëtimit. Padia thotë gjithashtu se kompania nuk ka kryer kontrolle të duhura të sfondit të drejtuesve të saj. Uber thotë se kompania ka ndryshuar vitet e fundit dhe i vjen keq për sjelljen e saj të kaluar.
Dokumenti përfshin pretendime se gratë pasagjere “janë rrëmbyer, sulmuar seksualisht, dhunuar seksualisht, përdhunuar, burgosur në mënyrë të rreme, përndjekur, ngacmuar ose sulmuar ndryshe nga shoferët e Uber”. Çështja po shqyrohet në Gjykatën e Lartë të Qarkut të San Franciskos të mërkurën.
“Sulmet seksuale janë një krim i tmerrshëm dhe ne e marrim seriozisht çdo raportim. Nuk ka asgjë më të rëndësishme se siguria, prandaj Uber ka ndërtuar veçori të reja sigurie, ka vendosur politika të përqendruara te të mbijetuarit dhe ka qenë më transparent në lidhje me incidentet serioze. Ndërsa ne nuk mund të komentojmë mbi çështjet gjyqësore në pritje, ne do të vazhdojmë ta mbajmë sigurinë në zemra e punës sonë”,tha një zëdhënës i Uber për BBC.
Ankesa, e paraqitur nga avokatët në firmën ligjore Slater Slater Schulman, pretendonte se sulmet seksuale ndodhën në “shtete të shumëfishta”. 150 raste të tjera të mundshme po “hetohen në mënyrë aktive” dhe padia pretendon se prej vitit 2014 Uber u bë i vetëdijshëm se drejtuesit e saj po sulmonin seksualisht dhe përdhunonin pasagjeret femra, por gjykata pretendon se kompania i jepte përparësi “rritjes mbi sigurinë e klientit”.
“I gjithë modeli i biznesit i Uber-it bazohet në udhëtimin e sigurt të njerëzve për në shtëpi, por siguria e njerëzve nuk ishte shqetësimi i tyre, por rritja sepse ishte në kurriz të sigurisë së pasagjerëve të tyre”, tha Adam Slater, partneri themelues i Slater Slater Schulman.
Muajin e kaluar, Uber publikoi Raportin e dytë të Sigurisë në SHBA, i cili tregoi se kishte 998 incidente të sulmeve seksuale, përfshirë 141 raporte përdhunimi, në vitin 2020. Në raport citohet që kompania të ketë shkruar se kishte marrë gjithsej 3,824 raporte për pesë kategoritë më të rënda të sulmeve seksuale midis 2019 dhe 2020.
Raporti i parë i sigurisë i firmës, i cili detajon incidentet nga viti 2017 deri në vitin 2018, gjeti 5,981 raportime për sulme seksuale. Kategoritë më serioze të sulmeve seksuale të Uber-it variojnë nga “puthja jo-konsensuale e një pjese të trupit jo-seksuale” deri te “depërtimi seksual jo-konsensual” ose përdhunimi.
