SHBA- Emily Ratajkowski po planifikon të divorcohet nga burri i saj, Sebastian Bear-McClard, pasi ai dyshohet se e tradhtoi. Pagesix shkruan se dyshja ndezën thashethemet për ndarje të enjten kur Ratajkowski u pa pa unazën e saj të martesës.
“Po, ai mashtroi. Ai është një mashtrues serial. Eshte e shpifur. Ai është një qen,” pohon burimi.
Në sistemin gjyqësor ende nuk rezulton se modelja ka bërë kërkesë për divorc. Autori i “Trupi im” dhe producenti i filmit, të cilët kanë djalin 1-vjeçar Sylvester, u martuan në një ceremoni në gjykatë në shkurt të 2018-ës, pasi dolën publike me romancën e tyre vetëm dy javë më parë.
