Gazetari, Gil Tamary i Channel 13 të Izraelit, postoi në Twitter një video të tij duke u futur fshehurazi në Mekë, qytetin më të shenjtë të Islamit, në kundërshtim me ndalimin për jomuslimanët.
ARABIA SAUDITE- Një shtetas saudit, i cili dyshohet se ka ndihmuar një jomusliman të hyjë në qytetin e shenjtë të Mekës, është arrestuar, tha policia pas një reagimi online kundër një gazetari që punonte për televizionin izraelit.
Sipas Guardian, gazetari, Gil Tamary i Channel 13 të Izraelit, postoi në Twitter një video të tij duke u futur fshehurazi në Mekë, qytetin më të shenjtë të Islamit, në kundërshtim me ndalimin për jomuslimanët. Në klipin e tij afërsisht 10-minutësh, Tamary viziton malin Arafat, ku pelegrinët myslimanë të veshur me rroba mblidhen për t’u lutur gjatë kulmit të pelegrinazhit të haxhit çdo vit.
“Policia rajonale e Mekës ka referuar një qytetar te prokurorët për bashkëpunim të dyshuar në transferimin dhe lehtësimin e hyrjes së një gazetari (jomusliman)”,- tha një zëdhënës i policisë në komentet e raportuara nga Agjencia zyrtare e Shtypit Saudite të premten.
SPA nuk përmendi emrin e gazetarit, por tha se ai ishte një shtetas amerikan, çështja e të cilit gjithashtu i është referuar prokurorëve për të ndërmarrë procedurat e nevojshme ndaj tij në përputhje me ligjet e aplikuara.
Pavarësisht rritjes së kontakteve të biznesit dhe sigurisë në prapaskenë, Arabia Saudite nuk e njeh Izraelin dhe nuk iu bashkua Marrëveshjes së Abrahamit të ndërmjetësuar nga SHBA-ja e vitit 2020, e cila pa shtetin hebre të krijojë lidhje me dy nga fqinjët e mbretërisë, Emiratet e Bashkuara Arabe dhe Bahreinin.
Ai e bën të qartë se e di se ajo që po bën është e jashtëligjshme, por thotë se donte të shfaqte një vend që është kaq i rëndësishëm për vëllezërit dhe motrat e tyre muslimane. Arsyetimi i Tamary-t dhe falja e mëvonshme, bënë pak për të qetësuar përgjigjet e zemëruara saudite në mediat sociale. Polemika pasoi vizitën e presidentit amerikan, Joe Biden, në Izrael dhe Arabinë Saudite javën e kaluar.
