Kremlini ka deklaruar se Rusia do të vazhdojë me “operacionin e saj special ushtarak”, derisa të marrë kontrollin e plotë të rajonit Donetsk në Ukrainën lindore, shkruajnë mediat e huaja.
Në një bisedë me gazetarët, zëdhënësi i Kremlinit Dmitry Peskov tha se ofensiva do të vazhdojë derisa Rusia të kishte arritur “çlirimin” e Republikave Popullore të Donetsk (DPR), duke iu referuar administratës së rajonit separatist të mbështetur nga Rusia.
