Gjykata e Apelit ka lënë në fuqi vendimin “burgim i përjetshëm” për Aleksandër Përdodën, autorin e vrasjes së dyfishtë të rapsodit Kol Murrani dhe mikut të tij Preng Simonit. Perdoda kreu krimin e rëndë pasi dy viktimat i zbuluan parcelat me kanabis.
Ndërkohë është liruar Agron Lushi, i akuzuar për “moskallëzim krimi”.
“Çështja në apel u shqyrtua mbi bazën e ankimit të bërë nga i pandehuri A.P, i cili kërkoi ndryshimin e vendimit, deklarimin e pafajshëm të të pandehurit A.P., për kryerjen e veprës penale të “Vrasje në rrethana të tjera cilësuese”, e kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe i municionit”. Në përfundim të gjykimit, më datë 01.02.2023, Gjykata e Apelit të Juridiksionit të Përgjithshëm, vendosi lënien në fuqi të vendimit Nr. 162, datë 27.04.2022 të Gjykatës së Rrethit Gjyqësor Lezhë”, thuhet në njoftim.
