SHBA- Presidenti amerikane Joe Biden ka dhënë urdhër që të qëllohet balona kineze. Sipas mediave të huaja, presidenti Biden ka dhënë “ok” për aksionin e balonës kineze. Zyrtarë nga administrata, duke folur në kushte anonimiteti, i thanë Associated Press se presidenti Joe Biden ka dhënë dritën jeshile që operacioni të vazhdojë.
Balona dyshohet se po kryente aktivitete spiunazhi ndaj ushtrisë amerikane. Katër zyrtarë amerikanë kanë thënë se plani është ta rrëzojnë atë mbi oqean për të rikuperuar më thjeshtë mbetjet e balonës.
Ai u pyet nga CNN nëse SHBA do të rrëzonte balonën.
“Ne do të kujdesemi për të,”- tha presidenti.
Biden ka parë opsione me udhëheqësit ushtarakë që nga informimi i tij fillestar mbi balonën të martën. Këshilltarët paralajmëruan kundër rrëzimit të tij mbi tokë pasi mbeturinat mund të lëndojnë njerëz ose të dëmtojnë shtëpitë. Udhëheqësit ushtarakë thanë se rreziku për njerëzit në terren peshonte më shumë se çdo informacion i mundshëm i fituar nga Kina.
Eksperti ushtarak kinez Chen Haoyang u shfaq në një nga kanalet më të mëdha televizive në vend, Phoenix TV, për të kundërshtuar reagimin e SHBA ndaj zbulimit të balonës spiune kineze në hapësirën ajrore të SHBA. Diplomati i lartë kinez, ëang Yi, tha të shtunën se Kina “ka ndjekur gjithmonë në mënyrë rigoroze ligjin ndërkombëtar”.
Kina ka thënë se është “penduar” që balona hyri pa dashje në hapësirën ajrore të SHBA. E po ashtu, Kina nga ana tjetër po minimizon vizitën e anuluar të Sekretarit Amerikan të Shtetit, Antony Blinken, mes pasojave të zbulimit të një balone spiune kineze mbi hapësirën ajrore amerikane.
Blinken do të vizitonte Kinën të dielën për diskutime të fokusuara në uljen e tensioneve midis dy vendeve. Do të ishte udhëtimi i parë i një diplomati të lartë pas takimit të presidentëve Xi Jinping dhe Joe Biden në Indonezi në nëntor, por nuk ndodhi./TheGuardian
