Presidenti rus Vladimir Putin dhe homologu i tij kinez, Xi Jinping, nuk diskutuan një plan paqeje të propozuar nga Kievi për t’i dhënë fund luftës në Ukrainë gjatë vizitës së tyre këtë javë, tha të mërkurën zëdhënësi i Kremlinit, Dmitry Peskov.
Peskov tha se propozimi i Kievit ishte një çështje e marrëdhënieve kino-ukrainase. Plani i paqes prej 10 pikash u prezantua për herë të parë nga Presidenti ukrainas Volodymyr Zelensky në një video në një takim të Grupit të 20 vendeve në nëntor.
Hapat përfshijnë një rrugë drejt sigurisë bërthamore, sigurinë ushqimore, një gjykatë speciale për krimet e dyshuara të luftës ruse dhe një traktat përfundimtar paqeje midis Rusisë dhe Ukrainës.
Xi qëndroi tre ditë në Moskë këtë javë. Vizita e tij u mbyll me nënshkrimin e më shumë se dhjetëra marrëveshjeve nga Pekini dhe Moska që forconin bashkëpunimin në fusha nga tregtia dhe teknologjia deri te propaganda shtetërore, sipas një liste të Kremlinit.
Deklarata kryesore e liderëve u fokusua në mënyrën se si të dy vendet do të “thellojnë” marrëdhëniet e tyre.
