SHBA- Një tornado e fuqishme ka përfshirë mbrëmjen e kaluar Misisipin, duke vrarë të paktën shtatë persona e duke shkatërruar ndërtesa dhe duke ndërprerë energjinë, raporton ‘The Guardian’.
Shërbimi Kombëtar i Motit konfirmoi se tornado shkaktoi dëme rreth 60 milje (96 km) në veri-lindje të Jackson, Misisipi. Qytetet rurale të Silver City dhe Rolling Fork raportuan shkatërrim ndërsa tornado vazhdoi të përhapet në veri-lindje me 70 mph (113 km/h), duke u zhvendosur drejt Alabamës.
Mjekja ligjore e qarkut Sharkey, Angelia Easton, konfirmoi numrin e personave të vdekur.
Aktualisht, Rolling Fork ka nevojë urgjente për personel, pasi njerëzit kanë mbushur spitalet.
Guvernatori i Misisipit, Tate Reeves, tha se ekipet e kërkimit janë aktive e se po dërgohen më shumë ambulanca dhe mjete emergjente për të prekurit. Kryetari i bashkisë së Rolling Fork, Eldridge Walker, tha për WLBT-TV se ai nuk ishte në gjendje të dilte nga shtëpia e tij pasi tornado goditi banesën si dhe shtoi se linjat e energjisë ishin të prishura.
Shërbimi Kombëtar i Motit lëshoi një alarm urgjent, duke paralajmëruar:
‘Për të mbrojtur jetën tuaj, largohuni tani. Jeni në një situatë kërcënuese për jetën”
Stuhia, ishte e llojit që prodhoi tornadot më vdekjeprurëse dhe breshrin më të dëmshëm në Shtetet e Bashkuara, tha një profesor i meteorologjisë në Universitetin e Ilinoisit Verior, Walker Ashley.
Meteorologët parashikuan një rrezik të madh për tornado një javë përpara. Ekspertët e tornados kanë paralajmëruar për ekspozim në rritje të rrezikut në rajon për shkak të njerëzve që ndërtojnë shumë.
Qendra e parashikimit të stuhisë paralajmëroi se kërcënimi më i madh i tornadove do të vinte në disa pjesë të Arkansas, Luiziana, Misisipi dhe Tenesi. Më shumë se 49,000 persona kanë mbetur pa energji në Arkansas, Mississippi dhe Tennessee.
Extensive damage path in Rolling Fork, MS @accuweather pic.twitter.com/6rstnCrQs6
— Reed Timmer, PhD (@ReedTimmerAccu) March 25, 2023
