Një person vdiq dhe 50 u plagosën në një tornado që shpërtheu në qytetin e Pazarcik (provinca Kahramanmaras, Turqia Juglindore ), tha Ministri i Shëndetësisë Fahrettin Koca në Twitter, cituar nga BTA.
Pazarciku ishte edhe epiqendra e tërmetit të parë shkatërrues me magnitudë 7.6 ballë të 6 shkurtit në Turqi.
Çadrat janë hedhur në erë pasi tornado goditi pasditen e djeshme. Në to jetonin njerëzit që mbetën pa shtëpi nga tërmetet shkatërruese.
Koca saktësoi se një nga banorët e çadrës në Pazarcik ka ndërruar jetë në vend. 50 persona të tjerë u plagosën nga mbeturinat që fluturuan nga ndërtesat e dëmtuara në qytet. Ministri i Shëndetësisë shtoi se nuk ka rrezik për jetën e viktimave.
Guvernatori i qarkut qendror të Karakales, Bulent Tekbıyıkoğlu, i cili u emërua si koordinator i aktiviteteve restauruese në Pazarcik , tha se ka filluar puna për zëvendësimin e tendave të dëmtuara me të reja, njoftoi televizioni NTV.
Ai tregoi se 168 tenda janë dëmtuar nga tornado.
Ekipet e xhandarmërisë, policisë, AFAD (Drejtoria për Menaxhimin e Fatkeqësive dhe Emergjencave) dhe Gjysmëhënës së Kuqe po punojnë për zëvendësimin e tendave të dëmtuara. Tendat e reja do të vendosen këtë mbrëmje, tha Tekbıyıkoğlu.
